अरविंद वैद्य
छबिलदास मुलांची शाळा, दादर इथे साहाय्यक शिक्षक म्हणून काम केल्यानंतर अरविंद वैद्य यांनी नंदादीप विद्यालय, गोरेगाव या शाळेच्या मुख्याध्यापकाची जबाबदारी पार पाडली. त्यांनी मुंबई चळवळीच्या कामासाठी स्वेच्छानिवृत्ती घेतली. आजपर्यंत ते आजपर्यंत लाल निशाण पक्षाचे सदस्य आहेत. माध्यमिक शिक्षक संघटनेत १९७१ पासून ते सक्रिय आहेत. १९९५ सालापासून ते देशव्यापी शिक्षण हक्क चळवळीत क्रियाशील असून स्त्री-मुक्ती संघटनेत तिच्या स्थापनेपासून सहभागी आहेत. ते ‘प्रेरक ललकारी’ या नियतकालिकाच्या संपादक मंडळाचे सदस्य असून महाराष्ट्र टाईम्स, लोकसत्ता, नवशक्ती, प्रहार, दिव्य मराठी आदि दैनिकांतून आणि पालकनीती, प्रेरक ललकारी आदि नियतकालिकांतून त्यांनी सातत्याने लेखन केलेलं आहे.